成 為 車 主 唔 係 小 事
	我唔係車行, 只是"個體戶"買賣二手車人仕. 要成為一位全職而獨當一面的汽車營業員, 至少要具備: 充足時間, 健談 及 精打細算, 抱歉地上述三樣重要條件我都缺乏!! 但是, 大撞車, 積木車, 殘廢車, 維修困難之冷門車我必定不收不賣, 因為此類車免強賣給客人只會給客人帶來很多煩惱, 生意少做一單小事吧. STEPHEN 藉著個人對車之認識及認真服務態度力求給顧客認同及有下次交易機會, 你買得滿意, 我賣得安心. 故此每一架舊車收回來, 本人定必了解該車之毛病及優點, 會作家庭車自用一段時間 , 務求找出必要維修的問題便交到指定車房維修, 有時行家笑我唔夠精, 但過得人過得自己, 自己都係車主多年, 況且賣車只是本人的副業, 唔係靠佢養妻活兒, 否則餓死了 !!
	點解我會賣車 ? 20歲那年考獲車牌 (7天後才發正式牌), 第 2日我便急不及待到相熟世伯既車房買了一架13年DX COROLLA二手車, 世伯是家父的世交, 見我第一次做車主, 高興地沒有賺我分毫, 而該車性能極良好, 需有少壞, 但不減駕車樂趣, 有賴此車我還追到女仔 (即而家的賢內助). 細伯對小弟的知遇之恩, 永記於心. 自此, 我認為買車行車未必找不到好車, 世伯既車行便是一家忠誠的車行(港島區), 不經不覺我對車之熱忱有增無減, 一年換一部車, 見別的車靚就想試試, 死慳死抵都儲錢換車, 漸漸3年換2部, 2年換3部, 成長了更試過同時擁有2至3部車! 無論任何舊車, 當我一跳上駕駛席, 她對我來說就是新車, 此感覺使我不經不覺地在短短十幾年間換了40多部車, 由舊車到無咁舊既車, 殘車或非常殘的車, 經常壞要拖的車我都擁有過, 我對車之性能因而熟悉, 所謂久病成醫, 今日我買車收車都較少會出錯了 !! 請別誤解我在此吹噓本領或硬銷自己, 只想大家明白我收回來的車是憑個人實戰經驗, 質素差極有限. 其實大部份車主亦必知道自己架車壞咩, 什麼要急修, 什麼自己可以動手. 而我收回來的車係會維修檢查, 有壞必整, 因為我都會駕駛此車呀, 我都怕出意外, 安全比賺錢更重要 !!
	車唔試唔好買, 請先考慮我所列的售價是否達你預算, 再致電本人出來試車, 看過車身機件滿意後, 價錢又合閣下心意, 就試試操控架車, 睇下熱車有無異樣, 行車嘈嗎? 冷氣凍嗎? 快慢車順暢穩定嗎? 滿意就可簽約落訂了 !!
	架車有咩毛病或維修事項, 我會告訴買家, 買車有時講運氣, 一部車有過萬件零件, 各零件會定時損耗需更換, 到你手至壞是有可能的, 此情況都經常出現在我身上, 最重要係買架容易維修的車和捨得花錢保養.
	跟私人或經紀買車, 各有好處, 事實好多車主亦未必識車或錫車, 架車唔一定良好 ! 跟車行或經紀買車其實沒有不妥, 因今日資訊發達, 以前的不誠實手法, 行內的不良份子已甚少出現了, 因欺騙了一單交易, 車行則在傳媒, 互聯網通了天, 他所騙來的錢都唔夠"走路", 反而良好經紀收車回來會因為信譽口碑便替車輛補油粉飾, 適量維修, 驗車(舊車主都賴做) . 信譽良好的汽車經紀本身對車熟悉, 知道車毛病在那, 如問題會影響安全, 他們會維修妥善, 確保車輛現況表現良好, 讓新車主買回去可即用, 免至再取車去維修補油之煩惱 , 如車沒有急需維修的事項, 亦會誠實告訴客人此車輛有任何要注意的保養地方!! 車行車會較貴 ?? 唔一定, 因 TRADEIN 車收車價會較低, 出售價自然不高, 好多時比私人放賣還要平, 經紀要貨如輪轉, 現金被綁就不好了! 不過有時車價亦要反映保養成本 , 而買家付錢不只買一輛車, 其實是額外買一份專業服務!
	曾成為40多部車之車主的我, 會很明白你的想法, 賣車絕不 Hardsell, 解答你的疑慮 "是便說是, 不是便說不是", 曾跟我交易的客戶都知道, 彼此愉快, 滿意售後服務, 亦介紹寶貴客戶給 Stephen, 取車回家使用多月甚至過一年, 車主亦會致電本人查詢保養汽車之心得, 維修汽車之疑難, 駕車好去處, 馬路之友交通問題, 甚至一些因交通意外之事後處理要訣等等 . 養車會費些少心力, 要關心你的座駕, 有熟車既人及相熟車房作支援, 才可享受舒適安全的駕駛樂趣 !!
	車主求售心切, 希望以高價出讓座駕, 是很理所當然的, 但如果由 Stephen 收購閣下之車輛, 價錢定必比車主自行在市場上放售價為低, 請車主理解到Stephen可能要以低於市價 25% 至 35%的價錢收車才可承擔以下來買賣之風險, 二手交易員之成本不輕, 例如: 昂貴之試車保險費, 過戶費, 車位租金, 基本維修, 汽車美容, 車輛牌費, 驗車, 燃油費用, 試車時之交通意外, 市場價急降等等 , 以上加埋是一大串可怕支出(= 車主不想承擔支出則由 Stephen承擔吧), 而我們賺取的只是有限之工錢, 但車賣不出則要承擔極大之虧本風險, 所以我們會盡量以高價報價給貴方, 但如報價未如閣下理想時, 務必見諒 !!
	Stephen 所定之車價已盡快因應市場調整而調整了, 所列出的售價都是良心價並不比市場高(通常會低一點點), 務求吸引用家, 避免買賣兩閒. 你所買的車都是Stephen自用好一段日子才放售, 已經過保養維修, 我作為滿意用家後才轉讓買家, 可確保你都成為此車的滿意用家. 所有車輛都有兩家穩健可靠的友好維修汽車中心作保養檢查 聯孚汽車服務中心 (荃灣) 永泰汽車服務中心 (屯門) 維修中心主理大偈誠實可靠, 認真盡責, 態度良好, 技術到家, 歐日名車手到拿來, 絕對難不到他們 !!