發生日期: 2009年10月
車主 : 網主
要整之汽車 : 新款CEFIRO
感動事件:
近日買了架車回來才發現右前轆響及車頭有金屬磨擦聲, 徵狀十分令人不安, 即是要破費不少! 不用考慮盡快將車駛到東哥處檢查, 但東哥剛剛放大假, 要三日後才回公司. 等他回來後佢既工作一浪接一浪, 忙過不停, 但佢仍替我架車花左半日時間作初步評估, 然後致電給我: [老友記, 你架車可大可少, 大即係要換電子避震, 搖臂, 頭死氣喉系統出問題, 動輒過萬唔少得, 我在電話旁差D暈低 ......... 東哥叫翻醒我, 話俾D時間佢, 依兩日好忙, 我會幫你諗諗 , 確定清楚後再打俾我...... 之後便收線了 !

雖然聽到要整好多錢, 但心理依然平安, 因東哥話會努力諗諗, 通常結果都唔會令人失望既 !

過左兩日東哥致電給我...... 可以取車了 , 埋單 $1400 , 當然有友情折扣在內啦 !! 簡直開心到飛起, 原來架車之所有問題都出自機器膠問題, 一般汽車維修要跟進車頭怪聲係最難既一飯, 大偈必須有經驗, 有耐性, 判斷準確, 唔會亂叫客人換依樣換個樣, 拿你架車做實驗, 是次東哥足足花左三日時間, 拆左好多野, 終於在十分隱蔽處發現一舊好多人未必會考慮的機器膠, 佢又幫我慳左萬幾蚊, 現在架車Fit到無得彈 ...... !

千奇唔好睇輕東哥既一句 我會幫你諗諗, 原因佢真係用足心機, 憑著準超班經驗, 絲毫不差地找出問題所在, 即使細如一粒螺絲也難不到佢 ......... 總之盡力做到不浪費顧客D錢....... 客人的問題既解決了, 錢才使得合理同有價值, 更不至浪費時間兼一肚氣, 相信有不愉快的整車經驗車主最明白我講咩.......!!

總結 : 世上沒有修理不到的壞車 , 只是你有沒有找到位肯為你花心機, 同慳錢既好大偈 ...........吧了 !!

在此再說一句, 感謝東哥 !!

發生日期: 2007年 7月
車主 : 網主
要整之汽車 : 舊款平治E系
感動事件:
本人發現車頭不正常地跳動打震, 已給就近新界的車房維修了, 整了三千元, 10天, 取車好似無整過因大偈說係波箱問題, 更換的零件已按電腦資料數據一一測試及做畢, 大偈建議不要整, 賣了就算要整會好貴. 取車後我又一次後悔莫及, 為何貪近貪方便, 自己低估了問題所在, 懶惰所以沒有即時給"東哥"檢查, 浪費了時間和金錢, 在家不耐煩地等了十天, 於是翌日幾忙幾遠我都一早駛車給東哥做一次全車BODY CHECK !!

車停在"東哥"車房前, 佢沒有怪我不給他第一時間維修, 一見面即說, 放心呀, 我幫你攪掂佢, 佢立時跳上架車踩幾腳油, 入幾下波, 打開車蓋聽一會, 攪了一陣, 他就好肯定地對我說...... 我有百分之九十以上地肯定你架車既波箱機械無事, 放心呀, 等我消息 !! 於是我便十分輕鬆地離開回公司等電話了.

"東哥" 的一句 我幫你攪掂佢 , 原來就是他用了足足6日時間, 一有空就同師傅仔飲下茶, 飲下啤酒研究架車既毛病, 原來交車那日他用電腦CHECK車後, 架車出了好多問題CODE, CODE CODE都要大修, 下午他便語帶嚴肅地告訴我這不幸的消息, 但他承諾會用盡經驗整好部車, 因一些CODE可能係由其他CODE所致, 即是整好最關鍵的損壞零件, 此CODE會消除, 其他CODE才準確話你知剩餘問題, 或一個CODE可能有幾個可能引致有此CODE出現的損壞零件, 但又不能胡亂更換零件. 故此這幾天, 東哥一TEAM人沒有偷懶, 不斷用最基本的工具(電錶)及憑經驗, 續一電路測試, 續一零件考慮, 拔插檢測, 我問他 (不是見CODE就整嗎), 東哥回答, 這樣你可能會浪費好多錢 !! 終於去到第六日, 東哥決定給車更換幾件憑他多年經驗判斷之關鍵零件, 而賣來的零件是花了時間從多間店舖格價回來的, GOD BLESS 終於攪掂了. 他高興地致電給我, 你架車現在咩CODE都無, 車頭波箱好似新車一樣 , 有時間請來取車. 我又一次感謝東哥, 因他給我慳了好多錢, 他收我的人工已不多了, 但架車放在他車房6天, 每天他都為壞車問題絞盡腦汁 , 目的只希望不要換錯零件使客人損失 . 東哥那份對汽車修理的專業態度, 敬業樂業的精神, 和處事認真的執著品性, 在汽車修理界中我從未見過的 .

在此再說一句, 感謝東哥 !!